Rafuna nga OEK: Shtrenjtimi i rrymës, shqetësim për bizneset – të lansohet një pako ndihmese

Një pako e re do të ishte ndihmesë për bizneset, derisa shkalla e inflacionit në vend mbetet e lartë. I këtij mendimi është Kryetari i Odës Ekonomike të Kosovës, Lulzim Rafuna, për të cilin kjo pako do të paraqiste lehtësim edhe për qytetarët. “Ka shumë modele të pakove të tilla dhe me një dialog publiko-privat me biznese, qeveria ta miratojë këtë pako ndihmese. Duhet të jetë një pako më specifike nga të kaluarat që kanë qenë shumë sociale”, është shprehur Rafuna në emisionin e ekonomisë Portofol në Klan Kosova FM. Kjo pako sipas tij do ta lehtësonte edhe situatën pas shtrenjtimit të rrymës për 15.4 përqind. “Bizneset e kanë pritur me shqetësim ngritjen e çmimit, sepse çdo ngritje ndikon në koston e prodhimit. Është pra kosto shtesë për bizneset. Çmimi i ri do t’ju paraqes telashe të mëdha, me gjithë sfidën që kanë pasur me konkurrencën nga produktet e importuara”. Duke folur për inflacionin, Rafuna ka thënë se në gjysmën e dytë të vitit pritet që të ketë rënie të çmimeve. “Trendet dhe indikacionet që i kemi nga tregjet evropiane dhe globale janë shpresëdhënëse. Çmimet kanë filluar të bien atje në mallra strategjike, naftë dhe gaz dhe në gjysmën e tjetër të vitit pritet të ketë stabilizim. Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS. https://youtu.be/VEgYanYSCHU?t=41