Rafuna: Ndërtimi i autostradës Bllacë-Shkup, e mirëseardhur për ekonominë e dy vendeve tona

Kryetari i Odës Ekonomike të Kosovës Lulzim Rafuna deklaroi sot në Shkup se ndërtimi i autostradës Shkup-Bllacë është i mirëseardhur jo vetëm për qytetarë, por është një element shumë i rëndësishëm edhe për ekonominë e të dyja vendeve. Ai madje përkujtoi se Kosova e ka kryer pjesën e saj duke lidhur Prishtinën me Shkupin për vetëm 45 minuta, raporton Alsat-M, transmeton Klankosova.tv. “Sa më shpejtë që të ndërtohet edhe kjo pjesë e autostradës është aq më mirë për ekonominë e dy vendeve tona. Unë dje kur erdha në Shkup e pash që është duke u ndërtua me një rritëm të përshpejtuar dhe kjo më bënë shumë të lumtur dhe pres që shumë shpejt me u kry edhe kjo pjesë e autostradës Bllacë Shkup. Ne e kemi lidhë Prishtinë-Shkup për 45 minuta, kështu që është shumë e mirëseardhur jo vetëm për qytetarët por edhe për ekonominë e dy vendeve tona”, tha Rafuna, transmeton Klankosova.tv.