Radoiçiq i lirë: Kush janë njerëzit e tij në Kosovë? - flet Mehmeti (VIDEO)

Gazetari, Faton Mehmeti ka folur për rrjetin e bashkëpunëtorëve të Milan Radoiçiq në Kosovë. Sipas tij, që foli në emisionin "Kosova Today" në Klan Kosova, kryetari i Listës Serbe, Zllatan Ellek, është një ndër ata. “Zllatan Ellek është kryetar i Listës Serbe dhe një nga njerëzit më të afërt të Milan Radoiçiqit. Ai për një kohë ka qenë pjesë e institucioneve paralele në veri dhe ka shërbyer edhe si drejtor i spitalit atje”, tha Mehmeti. Sipas tij, Ellek është i përfshirë thellë në strukturat që refuzojnë autoritetin e institucioneve të Kosovës. “Vetëm një ditë pasi u refuzuan institucionet e Kosovës në veri, Ellek doli dhe deklaroi se  ‘Ne e mbështesim fuqishëm Vuçiqin, jo Kurtin",  u shpreh Mehmeti. Ndiqni detajet, në videon e mëposhtme: