Lajmet e fundit
Rachel McAdams thotë se ajo ka pritur “shumë gjatë” që të bëhet nënë.
Duke folur për herë të parë për djalin e saj shtatëmuajsh, aktorja ka thënë për The Sunday Times se ajo “nuk donte të bëhej nënë para se të ishte koha e duhur”.
“Është gjëja më e mrekullueshme që më ka ndodhur në jetë, të jem e sinqertë. Njerëzit thonë se pasi të bëhesh nënë, jeta nuk është më vetëm e jotja, por unë kisha 39 vjet jetën vetëm për vete – isha lodhur duke u marrë vetëm me veten, kisha nevojë të ktheja vëmendjen tek dikush tjetër”, ka thënë ajo.
40 vjeçar McAdams dhe i dashuri i saj, skenaristi Jamie Linden, janë bërë prindër të fëmiut të tyre të parë në muajin prill, por që emrin e djalit të tyre akoma nuk e kanë bërë të ditur.
“Unë dua ta mbaj jetën e tij private, edhe pse nuk është jeta ime”, ka thënë ajo, transmeton Klan Kosova.
Ndonëse, aktorja po e shijon rolin e saj si nënë – megjithatë ajo ka thënë se kjo nuk është një detyrë aspak e lehtë, por plot me sfida.
“Unë po e shijoj më shumë se sa e kam menduar të qenit nënë. Edhe në ditët më të vështira, ka diçka të lezetshme”.
Por a do të ketë fëmijë të tjerë në jetën e Rachel McAdams?
“Mendoj se në jetën tonë ka padyshim vend edhe për fëmijë të tjerë”, ka thënë ajo.
Rachel McAdams dhe Jamie Linden janë në lidhje dashurie që nga viti 2016.
