Rabiot përjashtohet pas protestave ndaj Pisa-s, në rrezik për derbin me Interin

Adrien Rabiot u përjashtua në sfidën ndaj Pisa pas një episodi që mund t’i kushtojë me mungesë në derbin e madh kundër Interit. Sipas raportimit të La Gazzetta  dello Sport, mesfushori i AC Milan u ndëshkua fillimisht me karton të verdhë për një ndërhyrje që ndali një aksion të rrezikshëm. Pas vendimit të arbitrit, francezi reagoi me protesta dhe i tha disa fjalë gjyqtarit kryesor, çka bëri që të ndëshkohej menjëherë me karton të kuq. Ngjarja ndodhi në minutat e fundit të takimit dhe e la skuadrën me një lojtar më pak në momentet përmbyllëse. Episodi tashmë pritet të analizohet nga gjyqtari sportiv, i cili do të vendosë për kohëzgjatjen e pezullimit. Me rregulloren në fuqi, përjashtimi për protesta sjell pezullim automatik të paktën për ndeshjen pasuese, duke bërë që Rabiot të jetë seriozisht në rrezik për të humbur derbin ndaj Interit, një përballje me peshë të madhe në garën e sezonit. Vendimi zyrtar pritet në ditët në vijim, ndërsa stafi teknik shpreson që mungesa e mesfushorit të mos zgjasë më shumë se një ndeshje.