"Qyteti që nuk fle kurrë" po zgjohet nga gjumi i thellë

  "Qyteti që nuk fle kurrë", i njohur si New Yorku nga e gjithë bota për më shumë se një vit ra në gjumë të thellë. Mirëpo një gjë e tillë duket se këtë verë do të ndryshojë. Ky qytet më në fund po fillon rihapjen e tij pas më shumë se një vit mbyllje si shkak i pandemisë COVID-19, shkruan Associated Press. Duke nisur nga sot, njujorkezët e vaksinuar mund të lëvizin pa maska në disa vende, derisa edhe mund ti frekuentojnë, restorantet, baret, dyqanet dhe palestrat pa frikë. Mirëpo, për një gjë të tillë banoret duhet të jenë të vaksinuar. Edhe metrotë do të fillojnë punën këtë javë, derisa është bërë e ditur që edhe shitja e biletave ka filluar. Sipas disa njoftimeve hapja totale e bareve dhe restauranteve do të bëhet në fund të këtij muaji. Zyrtarët thonë se tani është momenti i New Yorkut për të shkundur imazhin e një qyteti të gjunjëzuar nga virusi pranverën e kaluar - një rikuperim i dhënë në mënyrë të prekshme në kopertinën e fundit të revistës The New Yorker, transmeton Klankosova.tv. Pranverën e kaluar, qyteti më i madh në Amerikë ishte gjithashtu zona më vdekjeprurëse e kombit koronavirus, vendi i mbi 21,000 vdekjeve në vetëm dy muaj. Pacientët zezakë dhe hispanikë kanë vdekur me ritme dukshëm më të larta se të bardhët dhe aziatiko-amerikanët, transmeton Klan Kosova. Pas një viti zbaticash, rrymash, rihapjesh dhe mbylljesh, qyteti shpreson se vaksinat po kthejnë rrjedhën për të mirë. Rreth 47% e banorëve kanë marrë të paktën një dozë vaksine deri më tani. Kazinotë në Las Vegas po kthehen në kapacitetin 100% dhe pa kërkesa të distancimit shoqëror. Disneyland në Kaliforni u hap në fund të muajit të kaluar pasi ishte mbyllur për më shumë se 400 ditë. Massachusetts këtë javë njoftoi se të gjitha kufizimet e virusit do të skadojnë fundjavën e Ditës Përkujtimore, transmeton Klankosova.tv.