Qyteti amerikan do të votojë për përdorimin e kërpudhave magjike

Qyteti amerikan i Denverit do të votojë në një referendum që në efekt do të miratonte përdorimin e kërpudhave magjike. Nëse miratohet, masa do të pengonte zyrtarët nga "shpenzimi i burimeve për të shqiptuar dënime penale" për përdorim personal dhe posedim të kësaj droge. Kërpudhat magjike përmbajnë një kemikat psikodelik, psilocybin, i cili sipas ligjit federal amerikan i takon të njëjtit grup droge të ndaluara si heroina ose LSD. Denver dekriminalizoi marihuanën në vitin 2005 përpara shtetit të Kolorados. Referendumi i së martës është votimi i parë publik në SHBA mbi kërpudhat magjike. Votuesit do të pyeten nëse përdorimi personal dhe posedimi i drogës duhet të jetë "përparësia më e ulët e zbatimit të ligjit" të qytetit. Nëse miratohet, aktgjykimi do të zbatohej për banorët e qytetit të Denver dhe të Qarkut mbi moshën 21 vjeçare.