Qytetari ankohet për mungesë rryme mbi 24 orë në Gorë të Dragashit

Një qytetar nga zona e Gorës në Komunën e Dragashit është ankuar për mungesën e energjisë elektrike në këtë rajon, në kulmin e sezonit turistik. Sipas tij, i cili shprehu shqetësimin në Klankosova.tv ndërprerjet janë të shpeshta, veçanërisht përgjatë rrugës Dragash – Restelicë, ndërsa së fundmi banorët janë përballur me mungesë të energjisë për më shumë se 24 orë. “Ka shumë vizitorë që kanë ardhur për pushime, por janë të zhgënjyer dhe thonë se nuk do të vijnë më. Nuk kemi marrë asnjë përgjigje as nga Komuna e Dragashit, e as nga furnizuesi i energjisë elektrike”, ka thënë qytetari.