Lajmet e fundit
Pas një ore është mbyllur protesta për vdekjen e Lear Kurtit, 32 vjeç në komisariatin nr.3., pasi ai ndërroi jetë ditën e djeshme, pasi u shoqërua në komisariatin nr.3 në kryeqytet.
Ndërkohë qytetarët para se të largohen kanë ndezur qirinj në shkallët e kryeministrisë si dhe kanë mbajtur një minutë heshtje në nder të të riut.
Sakaq mësohet se protesta e radhës do të njoftohet përmes rrjeteve sociale.
Përmes një njoftimi, Agjencia e Mbikëqyrjes Policore tha se mbrëmjen e 19 tetorit, gjatë patrullimit në Rr. “Riza Çuka” në zonën e Laprakës, efektivët kanë konstatuar Laert Kurtin duke qëndruar përpara një biznesi privat, për të cilin kushtet dhe rrethanat diktonin nevojën e një verifikimi.
Në momentin kur punonjësit e Policisë, i kanë kërkuar dokumentin e identifikimit, Kurti është larguar me vrap, duke mos iu bindur thirrjeve të njëpasnjëshme të punonjësve të Policisë për të ndaluar.
Pasi ka vrapuar për rreth 200 metra, i ndjekur nga patrulla e Policisë, mes rrugicave midis rrugës “Riza Çuka” dhe “Don Bosko”, ai është kapur dhe ndaluar nga punonjësit e Policisë, vend në të cilin kanë qëndruar 7 minuta.
I riu u shoqërua në komisariat dhe hetimi paraprak del në përfundimin se ai humbi jetën për shkak se ka gëlltitur një qese me drogë, për t’iu shmangur kapjes nga policia. /euronews.al
