QKUK jep informacionet e para për gjendjen e të plagosurit në Pejë

Një person është plagosur sot në Pejë dhe, për shkak të lëndimeve të marra, është dërguar për trajtim në Qendrën Klinike Universitare të Kosovës.

Klankosova.tv ka siguruar informacionet e para lidhur me gjendjen e tij shëndetësore. Sipas QKUK-së, i plagosuri është pranuar në Qendrën Emergjente, ku ka marrë trajtimin e nevojshëm mjekësor.

“Aktualisht, mjekët po vlerësojnë nëse i plagosuri do t’i nënshtrohet intervenimit kirurgjik”, kanë bërë të ditur nga QKUK-ja për Klankosova.tv.

Ndërkaq, doktoresha Dafina Basholli, deklaroi për Klankoosva.tv se gjendja shëndetësore e tij është stabile.

"Gjendja e tij është stabile. I kemi marrë të gjitha masat mbrojtëse që i njëjti, pas disa ditësh, t’i nënshtrohet edhe operacionit në Klinikën Ortopedike”, ka deklaruar Basholli për Klankosova.tv.  /Klankosova.tv