QKMK: Rruga Pejë-Rozhajë në anën e Malit të Zi, bllokohet për kamionë

Qendra Kombëtare për Menaxhim Kufitar (QKMK) ka bërë me dije se, në komunikim me Policinë e Malit të Zi, kanë marrë informatën se rruga Pejë-Rozhajë, saktësisht në vendin Dacaj në territorin e Malit të Zi, do të bllokohet nga e marta prej orës 10:00 deri më datë 17.04.2026 në ora 10:00. Sipas QKMK-së, bllokimi i rrugës është vetëm për kamionë dhe ka të bëjë me kufizimet e shoferëve të kamionëve në Bashkimin Evropian, si dhe me disa kërkesa të brendshme të tyre. “Për automjete të vogla rruga do të jetë e hapur”, tha QKMK në njoftim. Për më shumë informata, QKMK ka publikuar disa numra telefoni: +383(0)45198000, +383(0)45198606 dhe numrin pa pagesë 080050095