Qindra të vrarë në luftimet mes Hezbollahut dhe Izraelit, gazetari Adriatik Kelmendi raporton për gjendjen atje

Mbi 350 persona kanë vdekur dhe mijëra persona janë plagosur nga eskalimi i konfliktit në mes të Hezbollahut dhe Izraelit.

Për të raportuar rreth kësaj ngjarje nga afër, në Tel Aviv po qëndron gazetari Adriatik Kelmendi.

Kelmendi tha se ekziston rreziku i një përshkallëzimi i këtij konflikti.

Ai theksoi se asnjë predhë e Libanit (gjithsejt 156) deri më tani nuk ka arritur ta godas territorin izraelit.

"Për shkak se Izraeli e ka ndoshta sistemin më të sofistikuar në botë të mbrojtjes kundër ajrore të quajtur "Iron Dom" ose "Kupolla e Hekurt", që parandalon sulmet që vijnë nga çfarëdo territor i tyre", tha Kelmendi në Klan Kosova.

Luftime të ashpra mes Libanit (Hezbollahut) dhe Izraelit kishte pasur edhe para 18 vjetësh, në vitin 2006, ku ishin vrarë mijëra persona gjatë një muaj luftimi.