Qeveria u jep 100 euro shtesë pensionistëve 

Qeveria e Kosovës në mbledhjen e 100-të ka vendosur që pensionistët në muajin tetor të marrin edhe 100 euro shtesë. Kjo në kuadër të pakos për përballje me inflacionin teksa për këto shtesa nga qeveria janë ndarë 28 milionë euro. “Në kuadër të Pakos për përballje me Inflacionin, kemi paraparë mbështetje edhe për pensionistët. Pensionistët do të marrin nga 100 euro euro”, tha zëvendëskryeministri, Besnik Bislimi. Pos shtesave për pensionistët, kjo pako parasheh edhe nga 50 euro shtesa në muaj për punëtorët e sektorit publik deri në fund të vitit dhe shumë të përnjëhershme prej 100 eurosh për studentët.