Kryeministri Albin Kurti bashkë me ministrat e tij kanë mbajtur 1 minutë heshtje për tre shtetasit kosovarë të cilët vdiqën tragjikisht pak ditë më parë në një kantier ndërtimi në Vjenë, raporton Klankosova.tv.
Gjatë fjalës së tij në mbledhjen e pestë të Qeverisë, Kurti tha se të rinjtë nga Kosova do të kujtohen përherë si punëtorë e bashkatdhetarë, derisa shtoi se vdekja e tyre duhet të shërbejë si moment përkujdesjeje dhe reflektimi për sakrificën dhe mundin e mërgatës sonë.
“Në emër të Qeverisë në këto momente të rënda shpreh ngushëllime më të sinqerta për familjet dhe gjithë atyre që janë prekur nga kjo gjendje”, tha Kurti mes tjerash.
Shtetasit që vdiqën në rrethana tragjike janë Pajtim Bajrami, Asllan Musliu dhe Istref Zekaj.
●●●
VRSHKRIMI NGA
Ve Ra
Editorial nga Klan Kosova — ndjek lajme dhe zhvillimet e tjera kryesore të vendit.
