Qentë i bashkohen garës në Venezuelë për të mbështetur strehimoret (VIDEO)

Më shumë se 150 qen që mbanin shalle shumëngjyrëshe në qafë morën pjesë në një garë në kryeqytetin e Venezuelës së bashku me pronarët e tyre e cila u organizua për të kërkuar mbështetje për strehimoret e kafshëve në vend. Pronarët dhe kafshët e tyre shtëpiake vrapuan për katër kilometra përgjatë Karakasit lindor në edicionin e dytë të garës së quajtur  'Dog Running' (Vrapimi I qenve) Nën kolapsin e zgjatur ekonomik të Venezuelës, shumë prej tyre kanë lënë kafshët shtëpiake në strehimore ose i kanë braktisur në rrugë. Nga inflacioni i madh të ardhurat e familjeve janë goditur rreth 400%, duke e bërë me  të vështirë për pronarët e kafshëve shtëpiake, raporton Reuters, transmeton Klankosova.tv. "Në çdo edicion të garës ne mbështesim strehimoret që kanë marrë kafshë nga rrugët në situata të pasigurta," tha Andreina Nedjme, organizatore e ngjarjes. Të gjithë pjesëmarrësit e garës paguan 30 dollarë për të vrapuar me kafshët e tyre shtëpiake, duke synuar t'iu japin kafshëve një cilësi të mirë jetese ndërsa ata presin për një familje, shtoi Nedjme. Në vegzën e mëposhtme e gjeni videon e kësaj ngjarjeje: https://www.reuters.com/world/americas/over-150-dogs-join-race-support-venezuelan-shelters-2023-07-30/