Qendra Kinematografike e Kosovës hap konkurs për subvencionimin e projekteve filmike

Qendra Kinematografike e Kosovës ka hapur sot konkurs për subvencionimin e projekteve filmike. Në njoftimin e lëshuar për media thuhet se këtë vit, përbrenda thirrjes janë shtuar edhe dy kategori të reja: të zhvillimit të skenarit për film të metrazhit të gjatë artistik dhe të animuar si dhe kategorinë për film të shkurtër studentor. "Po ashtu, risi e kësaj thirrjeje është edhe zgjerimi i mbështetjes në bashkëprodhimin minor ku këtë vit përshihet edhe filmi dokumentar. E njëjta vlen edhe për kategorinë post-produksion për film të metrazhit të gjatë, të cilit i shtohet edhe filmi dokumentar". "Ndërkaq, tash e tutje, skenaristët kanë mundësinë të aplikojnë për mbështetje si skenaristë të pavarur në kategorinë Zhvillim i Skenarit. Përmes subvencionimit, projektet filmike do të mbështetën në gjithsej 12 kategori", thuhet në njoftim. Aplikimi bëhet online përmes faqes zyrtare të QKK. Afati i aplikimit për mbështetje të projekteve filmike: 20.12.2023 - 24.01.2024 Për më shumë informata rreth kategorive përkatëse, klikoni në kutinë KONKURSI në uebsajtin e QKK-së. Afati i aplikimit për mbështetje të projekteve filmike: 20.12.2023 - 24.01.2024