Presidenti i Rusisë, Vladimir Putin, tha të premten se Rusia duhet të forcojë pozicionin e saj në tregun global të armëve duke rritur eksportet e armëve.
Ai tha gjithashtu se kompleksi ushtarak i vendit ka nevojë për më shumë mbështetje shtetërore për të zhvilluar potencialin e tij.
Që kur Moska dërgoi mijëra trupa në Ukrainë në shkurt të vitit 2022, industria e mbrojtjes është përqendruar kryesisht në prodhimin ushtarak vendas për të mbështetur operacionet atje.
Kjo ka përfshirë një përpjekje masive për të ndërtuar raketa, dronë dhe predha të reja, si dhe për të riparuar tanke, automjete dhe artileri të vjetëruara të epokës sovjetike.
Sipas Institutit Ndërkombëtar të Kërkimeve për Paqen në Stokholm (SIPRI), eksportet ruse të armëve ranë në 7.8% të tregut global në periudhën 2020-24, krahasuar me 21% në periudhën e mëparshme katërvjeçare, si rezultat i sanksioneve ndërkombëtare për shkak të konfliktit në Ukrainë dhe rritjes së kërkesës së brendshme për armë.
India, Kina dhe Egjipti janë ndër blerësit më të mëdhenj të armëve ruse, shkruan Reuters, transmeton Klankosova.tv.
●●●
LGSHKRIMI NGA
L. Ga.
Editorial nga Klan Kosova — ndjek lajme dhe zhvillimet e tjera kryesore të vendit.
