Lajmet e fundit
Vlladimir Putini i ka dhuruar 70 kafshë të egra Kim Jong-unit si shenjë miqësie, pikërisht në kohën kur 12,000 ushtarë verikoreanë po përgatiten të luftojnë trupat ukrainase në Rusinë jugore.
Ngarkesa u dërgua nga kopshti zoologjik i Moskës në një kopsht zoologjik në Phenian, kryeqyteti i Koresë së Veriut, tha Rusia të mërkurën. Të përfshirë janë një luan, dy arinj, një çift jakësh, pesë kakato të bardha, 25 fazanë dhe 40 rosa mandarine, raporton “Telegraph”, transmeton Klankosova.tv.
Alexander Kozlov, ministri rus i mjedisit, tha: “Kafshët kanë zënë historikisht një vend të rëndësishëm në marrëdhëniet ndërshtetërore. Ato u dhanë në shenjë mbështetjeje, mirësie dhe kujdesi”.
Në një video të publikuar nga ministria e burimeve natyrore, shihen një luan, arinj dhe zogj duke u ngarkuar në një aeroplan qeveritar rus në arka të mëdha druri.
Kim është bërë aleat kyç i Putinit që nga nisja e pushtimit në shkallë të plotë të Ukrainës nga Kremlini në shkurt 2022. Ai ka dërguar miliona predha artilerie dhe raketa për forcat ruse dhe tani ka vendosur deri në 12,000 rekrutët në rajonin Kursk të Rusisë.
Nën dinastinë Kim, e cila ka sunduar Korenë e Veriut që nga viti 1948, uria dhe mungesat kanë shkatërruar vendin. /Klankosova.tv
