Putin: Duhet të kufizojmë eksportet për të mbajtur rezervat ushqimore të qëndrueshme

Presidenti rus Vladimir Putin ka paralajmëruar sot se Rusia mund të ketë nevojë të kufizojë disa eksporte në mënyrë që të mbajë rezerva të qëndrueshme ushqimore gjatë periudhës së dimrit. Megjithatë, ai nuk dha ndonjë detaj specifik të planeve të mundshme, shkruan Skynews, transmeton Klankosova.tv. Ishte gjithashtu e paqartë nëse Putini po sugjeronte që Rusia, e cila ka shkurtuar furnizimet me gaz për disa nga vendet që i konsideron "jomiqësore", mund të kufizojë eksportet e mallrave kryesore ushqimore si gruri. Putin tha se industria e bujqësisë kishte dhënë një kontribut të rëndësishëm në qëndrueshmërinë e ekonomisë ruse. "Natyrisht, ne duhet të lejojmë që ky sektor të funksionojë. Të bëjnë fitim, që të investojnë në rezultatin e korrjes 2023... në përpunim, në blegtori... Nuk mund të lejojmë që gjithçka të tërhiqet zvarrë jashtë", tha Putin. Putin tha gjithashtu se askush nuk mund të parashikojë me saktësi prodhimin bujqësor të Rusisë për vitin 2023, duke përmendur motin e ngrohtë të papritur në Evropë dhe ngricat në Azinë Qendrore. "Kjo është arsyeja pse ne kemi absolutisht nevojë për rezerva të qëndrueshme," tha ai.