Sindikata e shëndetësisë të QKMF-së në Prishtinë, kanë protestuar të enjten pas sulmit fizik që i është bërë një punonjësi të Qëndresë se Mjekësisë Urgjente në Prishtinë nga një qytetar.
Drejtori i Mjekësisë Urgjente në Prishtinë, Avdyl Pacolli tha se protesta është organizuar në shenjë solidarizimi me punëtorin e sulmuar.
“Dhuna dhe brutaliteti i qytetarëve ndaj neve është arsye e daljes në protestë. Me datë 29.03 .2021 pas arritjes në shtëpi të qytetarit, infermieri ynë është sulmuar fizikisht nga djali i gruas për të cilën është thirr urgjenca” tha ai.
Sipas Pacollit arsyeja që e ka shtyrë qytetarin të ushtrojë dhunë ka qenë kërkesa e infermierit që të mos e xhiroj ekzekutimin e pacientes gjatë dhënies së trajtimit, raporton EO, transmeton Klan Kosova.
“Të gjithë punëtorët tanë kanë ndalë punën për 10 minuta në shenjë proteste për sjelljet e tilla të qytetarëve të Prishtinës” ka shtuar Pacolli.
Poashtu drejtori ka treguar se e kanë njoftuar Policinë e Prokurorinë për rastin në fjalë.
Punëtori I.S është sulmuar sipas tyre është sulmuar fizikisht gjatë vizitës shtëpiake deri sa po ofronte shërbime.
●●●
SZSHKRIMI NGA
Sh Z
Editorial nga Klan Kosova — ndjek lajme dhe zhvillimet e tjera kryesore të vendit.
