Pulë, brokoli dhe karrota – ideale për supën e shëndetit të mirë!

Ekspertët vazhdimisht konstatojnë se ushqimet natyrale, bimore, mund të pengojnë dukshëm problemin e ftohjes në organizëm apo edhe problemet me virozat. Ndaj dhe si e tillë, një recetë e lehtë për një supë me mish pule, brokoli dhe karrota është më e mira për të mbajtur gjithë organizmin e shëndetshëm dhe trupin në formë, njofton Klan Kosova. Kjo supë përgatitet krejtësisht lehtë në shtëpi dhe është ideale për vaktin e drekës por edhe të darkës.

Përgatitja e Supës me Pulë, Brokoli dhe Karrota

Përbërësit

(Përbërësit më poshtë janë për 4-5 persona) Një pulë e vogël ose 4-5 copa mish pule 300 gr brokoli 1 patate mesatare 2 karrota Një lugë çaji me gjalpë të freskët 2-3 lugë gjelle vaj ulliri Kripë Piper

Përgatitja

Pastroni mishin e pulës me ujë të rrjedhshëm. Pastroni me ujë të rrjedhshëm brokolit, të cilat i ndajmë në degëza ndërsa patatet i presim në kubikë shumë të vegjël. Pastroni edhe karrotat, qërojini bashkë me pataten dhe prijini ato në kubikë shumë të vegjël gjithashtu. Vendosim një tenxhere në zjarr dhe hedhim vajin e ullirit dhe pak gjalpë të freskët, shtojmë karrotat dhe patatet e prera në kubikë, i kaurdisim për disa minuta dhe më pas shtojmë brokolit, i kaurdisim pak dhe i heqim dhe i vendosim në një enë mënjanë. Ndërkohë në tenxheren me yndyrën e mbetur shtojmë copat e mishit të pulës i kaurdisim, shtojmë kripën dhe më pas shtojmë ujë derisa të mbulohen mirë dhe e lëmë që të ziejë. Pasi mishi i pulës të ketë zierë, shtojmë brokolit, karrotat dhe patatet dhe i lëmë të ziejnë për maskimumi 5-7 minuta.

Vlerat ushqimore të brokolit dhe karrotave

Vlerat ushqimore, e bëjnë brokolin një nga perimet e gjelbra më të shëndetshme në botë. Bëhet fjalë për një perime miqësore me stomakun, të lirë në çmim por shumë të pasur në vlera dhe shije. Brokoli është i pasur edhe me fibër të tretshme që nxjerr kolesterolin e keq jashtë trupit. Sipas agroweb, kjo perime shërben edhe si antioksidant duke qenë se ka nivele të larta e të përqendruara të vitaminës C dhe flavonoidëve që përmirësojnë funksionet e kësaj vitamine. Një racion me karrota të prera përmban 3.6 gramë fibër e cila mban stomakun dhe arteriet të pastra. Në këtë mënyrë shmanget rreziku i sëmundjeve kardiovaskulare, kolesterolit të lartë, konstipacionit, njofton Klan Kosova.