Publikohet fotoja e parë e reperit Diddy nga burgu

Fotoja e parë e reperit dhe biznesmenit Sean “Diddy” Combs pas dënimit të tij është publikuar, duke tërhequr vëmendjen e mediave amerikane. 55-vjeçari u fotografua më 31 tetor në oborrin e burgut Federal Correctional Institution, Fort Dix në New Jersey, ku po vuan dënimin për krime seksuale, transmeton Klankosova.tv Në imazhin e shpërndarë nga TMZ, Diddy shihet me xhaketë blu të errët dhe mjekër të bardhë, me një shprehje serioze në fytyrë. Ai ndan hapësirën me të burgosur të tjerë dhe ndjek regjimin standard të burgut. Reperi u dënua muajin e kaluar për dy akuza për transport për prostitucion, ndërsa u lirua nga akuzat më të rënda për trafikim seksual. Rasti i tij ka shkaktuar debat të madh në SHBA, ku figura e Diddy-t mbetet ndër më kontradiktoret në botën e muzikës dhe biznesit.