PSG pret kundërshtarin në gjysmëfinale, Enrique: Kë preferoj? Nuk e them, do ta shijoj ndeshjen

Atletico Madrid dhe Paris Saint-Germain janë dy gjysmëfinalistët e parë të këtij sezoni në UEFA Champions League. Dy skuadrat e tjera që do t’i bashkohen fazës së katër më të mirave do të përcaktohen sonte, ku Arsenal përballet me Sporting Lisbon, ndërsa Bayern Munich ndeshet me Real Madrid. Fituesi i çiftit Bayern-Real Madrid do të jetë kundërshtari i PSG-së në gjysmëfinale. I pyetur se cilin rival preferon, trajneri i parizienëve, Luis Enrique, dha një përgjigje që tërhoqi vëmendje. “Sa herë që zgjedh një kundërshtar, përfundojmë duke u përballur me tjetrin. Kështu që këtë herë nuk do të zgjedh. Do ta shoh ndeshjen në Paris, duke pirë një birrë të ftohtë,” u shpreh ai me humor. PSG vjen në këtë fazë pas një performance bindëse ndaj Liverpool, duke siguruar kualifikimin me rezultat të përgjithshëm 4-0, pas fitores në shtëpi dhe suksesit në “Anfield”. Tashmë mbetet për t’u parë se cili nga gjigantët evropianë, Bayern apo Real, do të përballet me skuadrën franceze në një përballje që premton spektakël në gjysmëfinale./Klankosova.tv