Pse nuk u ngritën në këmbë Hoti, Bajrami, Gashi, Dumoshi e Xhaferi për Lumir Abdixhikun?

Të shtunën, kryetari i Lidhjes Demokratike të Kosovës, Lumir Abdixhiku, mbajti një fjalim të gjatë gjatë fjalës hapëse në Kuvendin e Punës së LDK-së.

Megjithatë, ajo që ka rënë në sy pas përfundimit të fjalimit ishte fakti se disa nga figurat e njohura të partisë, përfshirë Avdullah Hotin, Hykmete Bajramin, Arben Gashin, Vlora Dumoshin dhe Krenar Xhaferin, nuk u ngritën në këmbë për ta duartrokitur kryetarin e LDK-së, ndryshe nga pjesa tjetër e delegatëve në sallë.

Ndryshe, Kuvendi i Punës i Lidhjes Demokratike të Kosovës ka mbyllur dyert për media, ndërsa punimet kanë vazhduar në kuadër të Kryesisë së Punës së Kuvendit.

Në këtë kuvend, 355 delegatë pritet të marrin vendimin përfundimtar për liderin e ardhshëm të LDK-së, në një proces që konsiderohet vendimtar për të ardhmen politike të partisë.