Pse njerëzit i hanë thonjtë e tyre?

Kushdo që i hanë thonjët e vet e di se sa e vështirë është të heqësh dorë nga ky zakon. Shpeshherë ndodh që njerëzit as nuk janë të vetëdijshëm që po e bëjnë një veprim të tillë. Ngrënja apo kafshimi i thonjve pothuajse gjithmonë fillon në fëmijëri dhe në shumicën e rasteve është një sjellje e lidhur me stresin ose ankthin, por ka të ngjarë të jetë edhe me ndërlikuar se kaq. Një teori thotë se i ndihmon disa njerëz të rregullojnë emocionet e tyre, sepse në raste të caktuara, kafshimi i thonjve duket sikur iu jep diçka për të bërë dhe ndihen më mirë, shkruan The Sun, transmeton Klankosova.tv. Kjo shprehi mund të rrisë rrezikun e infeksionit rreth thonjve, veçanërisht nëse kafshoni kutikulën ose indin e butë përreth tij. Ngrënia e thonjëve gjithashtu mund të dëmtojë edhe dhëmbët dhe të përhapë mikrobe në duar, në gishta dhe në gojë.