PS ka braktisur mbledhjen e Komisionit Hetimor për trajtimin e të dhënave të sistemit TIMS. Në mbledhjen që kishte për rend dite miratimin e kërkesave për informacion të propozuara nga ekspertë, palët politike debatuan për vendimmarrjet e këtij komisioni në mbledhjen e shkuar.
PS kërkoi anullimin e vendimit të marrë në mbledhjen e së premtes lidhur me kërkesat për informacion drejtuar disa institucioneve shtetërore si Kryeministria dhe Drejtoria e Sigurimit të Informacionit të Klasifikuar (DISK) , me pretendimin se votimi është pa kuorum pasi jo të gjithë deputetët socialistë kanë qenë të pranishëm në momentin e votimit.
Pas kundërshtimeve nga kryetari i komisionit Ervin Salianji, anëtarët e PS kërkuan 5 minuta pushim dhe nuk u rikthyen në mbledhje./Klan News/
●●●
LGSHKRIMI NGA
L. Ga.
Editorial nga Klan Kosova — ndjek lajme dhe zhvillimet e tjera kryesore të vendit.
