Protesta në Australi kundër bllokimit për shkak të 77 rasteve të reja me COVID-19 (VIDEO)

Protestuesit në Australi u përplasën dhunshëm me policinë kundër bllokimit, ku mijëra njerëz marshuan nëpër rrugët e Melburnit këtë të shtunë. Policia tha se kishte bërë 218 arrestime dhe se gjashtë oficerë u shtruan në spital gjatë një sërë grindjesh. "Sjellja e protestuesve ishte aq armiqësore dhe agresive saqë atyre nuk iu mbeti zgjidhje tjetër veçse të përdorin të gjitha taktikat në dispozicion të tyre", thuhej në deklaratë. Pamjet e postuara në mediat sociale shfaqnin protestues që brohorisnin dhe hidhnin objekte ndaj oficerëve të policisë. Protestat në Melburn u zhvilluan pasi kryeministri Daniel Andreës njoftoi se një bllokim do të shtrihej në të gjithë shtetin, pasi Australia regjistroi 77 raste të reja të koronavirusit. Dy policë kanë pësuar thyerje të hundës dhe një oficer u shtrua në spital me gishtin e madh të thyer. Secili nga 218 protestuesit e arrestuar do të gjobitet me mbi 4 mijë e 500 euro për shkelje të urdhrave të shëndetit publik. Njerëz të të gjitha moshave u panë duke ecur nëpër rrugë, duke bërtitur për "liri". https://twitter.com/JoshBavas/status/1428905744452046867 https://twitter.com/rachael_dexter/status/1428910868691968005 Tubimet publike nuk u lejuan në Victoria pasi shteti u përpoq të frenonte një rritje të rasteve të koronavirusit. Ministri i policisë, David Elliott, tha se ishte i zhgënjyer që disa njerëz injoruan paralajmërimet për të qëndruar në shtëpi.