Propozimi i Ramës: Të fshijmë të gjitha borxhet te bizneset më të vjetra se 10 vjet

Kryeministri Edi Rama, në një bashkëbisedim me biznesin në Elbasan për “Paqen Fiskale”, deklaroi se do të propozojë që të fshihen “të gjitha borxhet, kamatëvonesat te bizneset më të vjetra se 10 vjet”. “Të fshijmë të gjitha kamatëvonesat dhe interesat që janë ndërmjet 5-10 vjet, e vlefshme dhe për bizneset që në një këst të paguajnë gjithë detyrimin dhe në këtë rast do i falet 50% i detyrimit. Ata që s’kanë mundësi, ta paguajnë në 12 muaj dhe t’i falet 25% e detyrimit”, tha Rama, transmeton Klankosova.tv. “Ata që kanë borxhe nga 1 deri në 5 vjet, do t’i japim mundësinë atyre që i paguajnë të plotë për faljen e gjobave dhe kamatëvonesave”, shtoi Rama./A2CNN.