Promovohet libri “Kosova dhe Shqipëria në të ardhmen, më afër apo më larg njëra-tjetrës?”, i historianit Nexhmedin Spahiu

Është përuruar libri më i ri i historianit Nexhmedin Spahiu, me titull, “Kosova dhe Shqipëria në të ardhmen, më afër apo më larg njëra-tjetrës”, në Institutin Albanologjik të Kosovës. Autori përmes  këtij librit vë në pah dhe analizon marrëdhëniet ndërmjet dy shteteve. Nga  analizuesit e tij u vlerësua si një libër shumë bindës sa i përket raporteve mes Kosovës dhe Shqipërisë. Vetë autori i librit pati disa kritika për institucionet dhe ndikimin që kanë mbi këtë çështje. “Kjo është fatkeqësia më e madhe që e ka Kosova në sistemin shkollor, arsimi nuk e ofron një patriotizëm të kohës, por brezat tonë tani edukohen njësoj siç jemi edukuar ne, por harrojmë që në kohën kur jemi edukuar ne Kosova nuk ka qenë shtet e tani është shtet", ka thënë Spahiu. Ky është libri i 11 i publikuar nga historiani, Nexhmedin Spahiu./Klankosova.tv