Prokuroria për serbin e dyshuar për krime lufte në Gjakovë: Gjendet nën masë arresti dhe ndalimi për 48 orë

Prokuroria Speciale ka dhënë detaje mbi rastin e ndalimit të D.R, i nacionalitetit serb për shkak të dyshimit se ka kryer veprën penale “Krim i luftës kundër popullsisë civile”.

Hetimet preliminare tregojnë se i dyshuari gjatë kohës së luftës në Kosovë, në vitin 1999 ka kryer krime të luftës ndaj popullsisë civile në regjionin e Gjakovës, transmeton klankosova.tv.

Me urdhër të Prokurorisë Speciale, i pandehuri gjendet nën masën e arrestit të përkohshëm dhe ndalimit për 48 orë dhe brenda afatit ligjor do të dërgohet para Gjyqtarit të procedurës paraprake, për procedurë të mëtutjeshme.

Vepra penale ''Krim i luftës kundër popullsisë civile'', është e sanksionuar me nenin 142 të Ligjit Penal të ish- Jugosllavisë, si Ligj në fuqi në kohën e kryerjes së veprës penale. https://klankosova.tv/arrestohet-ne-jarinje-nje-i-dyshuar-per-krime-lufte1/