Pas një pauze, seanca në Gjykatën Speciale ka nisur me parashtrimet e Prokurorisë së Specializuar, mbi pretendimet e tyre për krime lufte dhe krime kundër njerëzit, në rastin ndaj katërshes së Ushtrisë Çlirimtare të Kosovës.
Prokurori i ZPS-së, Alan Tieger, tha se nëse të akuzuarit paraqiten si disa prej mijëra të tjerëve që iu bashkuan UÇK-së për të luftuar për liri, kjo është përpjekje për t’iu shmangur roleve të tyre të vërteta, si themelues dhe anëtarë kyç të Shtabit të Përgjithshëm.
Ai tha se ata përdorën autoritetin për 'qëllimin kriminal të përbashkët", raporton Klankosova.tv
“Do të filloj parashtrimet e Prokurorisë sot. Në një formë apo në një tjetër, mbrojtja i ka paraqitur klientët e tyre si me qëllime të mira, që nuk kishin pushtet. Psh, mbrojtja e Veselit e përshkroi klientin e tyre si një ushtar i përkushtuar në një kohë të vuajtje të mëdha, si një i diplomuar i ri, pa stërvitje ushtarake dhe me bindjen për të luftuar për lirinë e Kosovës dhe të ardhmen e tyre, pa autoritarizëm dhe brutalitet. Kjo i nderuar gjykatës nuk është krim dhe ZPS nuk e ka thënë kurrë këtë gjë.
Por t’i paraqesësh të akuzuarit si disa prej mijëra të tjerëve që iu bashkuan UÇK-së për të luftuar për liri është përpjekje për t’iu shmangur roleve të tyre të vërteta, si pionierë, si themeluese, si anëtarë kyç të Shtabit të Përgjithshëm, role që ata i kanë pranuan në mënyrë të përsëritur.
Ata u shmangen këto roleve, nuk i pranojnë sepse veprimet e tyre, duke përdorur autoritetin e tyre dhe përpjekjet e tyre individuale, pasqyrojnë qëllimin kriminal të përbashkët dhe angazhimin e tyre ndaj tij. Ata që besojnë në të vërtetë në kauzën e tyre dhe aftësinë e tyre për të arritur atë, kanë pretenduar se kanë të drejtë që të merren në mënyrë të pamëshirshme me ata që konsideroheshin se e pengonin arritjen e kësaj.
Provat, qëllimet dhe krimet që pasuan si rezultat i tyre, pasqyrohen në prova të shumta dhe nuk mund të shpërfillen apo të mohohen, pak rëndësi ka, sa ashpër luftuan që këto prova të shikohen në mënyrë të izoluar."
16:15 - ZPS tenton t’i hedh poshtë dëshmitë e diplomatëve dhe ushtarakëve që dëshmuan pro Thaçit dhe të tjerëve
Në vazhdim të parashtrimeve, prokurori i ZPS-së, James Pache tentoi t’i minimizojë deklaratat e diplomatëve dhe ushtarakëve amerikanë e britanikë që dëshmuan në Gjykatën Speciale në mbrojtje të Thaçit dhe të tjerëve.
Pache tha se këta dëshmitarë nuk kanë pasur njohuri për aktivitetet e katërshes së UÇK-së e as për qëllimin e tyre, transmeton Klankosova.tv
“Dëshmitarët e mbrojtjes, si për shembull James Rubin, i anashkaluan komunikatat dhe deklaratat publike të UÇK-së si manipulime dhe propagandë.
Të nderuar gjykatës, ajo që del është se provat e kësaj çështje janë të mbushura me dokumente të cilat dëshmitarët e mbrojtjes nuk kanë pasur qasje, apo që mund të kenë pasur qasje por nuk i kanë parë."- deklaroi prokurori. /Klankosova.tv
