Prokuroria deklarohet për ngjarjen tragjike në Rufc të Lipjanit

Një ngjarja tragjike ka ndodhur sot në fshatin Rufc të Lipjanit.

Klan Kosova ka raportuar se janë gjetur të vdekur tre persona, një burrë, një grua dhe djali i tyre.

Lidhur me rastin janë deklaruar nga Prokuroria.

Zëdhënësja e Prokurorisë Themelore të Prishtinës Laureta Ulaj, tha për Klankosova.tv se dyshohet për dy vrasje dhe një vetëvrasje.

Ulaj tha se janë duke u ndërmarrë të gjitha veprimet që rasti të zbardhet.

Ajo theksoi se trupat e pajetë të viktimave janë dërguar për obduksion në Institutin e Mjekësisë Ligjore.

"Sipas informatave nga vendi i ngjarjes, dyshimet çojnë drejt vrasjes së dy viktimave nga arma e zjarrit, si dhe një vetëvrasjeje (brenda familjes)”, tha Ulaj për Klankosova.tv

"Lidhur me rastin i cili ndodhi sot në fshatin Rufc të Lipjanit, ju njoftojmë se prokurorja kujdestare nga Departamenti i Krimeve të Rënda, ka dalë në vendin e ngjarjes dhe bashkë me njësitë relevante janë duke i ndërmarrë të gjitha veprimet hetimore nga vendi i ngjarjes, me qëllim të ndriçimit të rrethanave të këtij rasti", theksoi ajo.