Projektligji për Banim Social, Aliu: Do të përfitojnë ata që nuk i kanë kushtet e mira ekonomike

Ministri i Mjedisit, Planifikimit Hapësinor dhe Infrastrukturës, Liburn Aliu, ka folur rreth miratimit në qeveri të Projektligjit për Banim Social dhe të Përballueshëm. Aliu gjatë një konference për media pas mbledhjes së ekzekutivit bëri të ditur se përfituese do të jenë të gjitha familjet që nuk e kanë gjendjen e mirë ekonomike, e po ashtu edhe të papunët dhe të pastrehët, viktimat e dhunës në familje, viktimat e trafikimit të qenieve njerëzore etj. Ai theksoi se pas miratimit ky projektligj do të shkojë për miratim edhe në kuvend. "Në janar të këtij viti kemi thirrur të gjitha komunat t’i identifikojnë pronat komunale për ndërtim, të banimin social. Kanë qenë 13 komuna që kanë aplikuar në këto lokacione. Në shtator do të bëjmë thirrjen tjetër që te aplikojnë për banim social, kemi shqyrtuar të gjitha lokacionet, kushtet urbanistike. Jemi në fazën e fillimit të projekteve detaje te zhvillimit të këtyre ndërtimeve”, tha Aliu. “Sapo fillojnë projektet do të aplikohet për leje. Pas kësaj faze do të ketë edhe faza të tjera. Banimi social do të menaxhohet nga komuna por do të monitorohet dhe kjo është për kategorinë e njerëzve që nuk kanë kushte të mira ekonomike. Nga ky projektligj u tha se do të përfitojnë familjet që nuk kanë të ardhura, të papunët dhe të pastrehët. Nuk kemi mundur me hy në fazën e projektit pa hyrë na fazat e para të realizimi puna përgatitore ka marrë shumë kohë, tash është procesi i finalizimit”, tha i pari i MMPHI-së. Liburn Aliu shtoi se ky projektligj ofron gamë të gjerë të mundësive për qytetarët. "Banimi social, banimi i përballueshëm për çiftit e reja etj", tha ai.