Projekti magjik, të gjithë tani mund të ecin mbi ujë (FOTO)

Në përralla nga e kaluara dhe nganjëherë në të ardhmen, magjia është diçka që ndodh shumë shpejt, me shqiptimin e fjalëve “abracadabra” dhe “bippity boppity boo.” Mirëpo, me idenë më të re të 81 vjeçarit Christo, vërtetohet se magjia s’është diçka që ndodh vetëm në përralla. Ajo ekziston në jetën e vërtetë. Mirëpo nuk vjen me një përpëlitje të syve. Vjen pas një pune të kujdesshme disa vjeçare dhe pas shpenzimit të miliona dollarëve. Janë kalatat lundruese magjia e Christos. Historia e tij kishte filluar para 46 vitesh, kur Christo, gruaja e tij dhe një mik i tyre, ishin kontaktuar nga një historian argjentinas i cili e kishe idenë e ndërtimit të një ure lundruese. Vendi i përzgjedhur ishte liqeni Iseo në Itali. “E di se projekte të tilla nuk i duhen aspak botës, dhe janë totalisht të papërdorshme”, ka thënë Christo për gazetën amerikane New York Times. “Por ne  vendosëm ta realizojmë vizionin tonë, pavarësisht kësaj”, thotë ai transmeton Klan Kosova. Ky projekt i ka kushtuar atij 16.8 milionë dollarë.