"Proces demokratik", Bulliqi: Mërgata i begatoi edhe më shumë zgjedhjet (VIDEO)

Kryetari i Komunës së Podujevës, Shpejtim Bulliqi, ka folur pas fitores të Lëvizjes Vetëvendosje në këtë komunë, duke e vlerësuar procesin zgjedhor si të rregullt dhe demokratik.

Në një intervistë me gazetarin Liridon Zeqiri për emisionin “Kosova Today” në Klan Kosova, Bulliqi tha se zgjedhjet u zhvilluan sipas standardeve demokratike dhe se në mbarëvajtjen e procesit ka ndikuar pozitivisht edhe pjesëmarrja e madhe e mërgimtarëve.

“Ka qenë një proces i rregullt dhe demokratik. Kësaj radhe edhe numri i madh i mërgatës që ishte prezent e ka begatuar edhe më shumë këtë proces. Prandaj, ajo që ka ndodhur është diçka e mirë, sepse vërtet kemi treguar edhe para faktorit ndërkombëtar se shteti i Kosovës tashmë është një shtet demokratik dhe i respekton të gjitha rregullat demokratike”, tha  Bulliqi.