Prishtinë, tre persona lëndohen si pasojë e një aksidenti

Tre persona janë lënduar si pasojë e një aksidenti që ka ndodhur në orën 02:00 të mëngjesit sot në Prishtinë. Këtë për Klankosova.tv e bëri të ditur Flora Ahmeti, zëdhënëse për media në Policinë e Kosovës, Qendra në Prishtinë. "Sot rreth orës 02:00 në  rrethin që lidhë rrugët UÇK dhe Tirana në Prishtinë  ka ndodhur një aksident trafiku, ku është përfshirë një automjet.  Si pasojë e aksidentit janë lënduar tre persona dhe janë shkaktuar dëme materiale". "Personat e lënduar janë dërguar për trajtim mjekësor. Me rastin po merret Njësiti i Trafikut", ka thënë Ahmeti. /Klankosova.tv