Prishtinë: Policia bastis lokalin brenda të cilit shitej drogë, dy të arrestuar

Policia ka bastisur një lokal në Prishtinë pas pranimit të informatës së në të njëjtin bëhej shitja e narkotikëve. Gjatë kontrollit në lokal brenda të cilit gjendej i dyshuari, janë gjetur dhe janë konfiskuar: 2 qese me substancë narkotike të llojit marihuanë me peshë prej 15.8 gramë, 8 qese me substancë narkotike të llojit kokainë me peshë prej 3.7 gramë, 22 copë pilula që dyshohet të jenë të llojit ekstazi, qese të zbrazëta për paketim të narkotikëve, një DVR, dokumente dhe një telefon. Siç bën të ditur policia në raport, më pas është lokalizuar edhe banesa e të dyshuarit tjetër mashkull kosovar, ku gjatë bastisjes janë gjetur dhe janë konfiskuar tri armë zjarri dhe 19 fishekë, pajisje për pastrimin e armës dhe qese për paketim të narkotikëve. Të dyshuarit janë arrestuar dhe me vendim të prokurorit janë dërguar në mbajtje.