Prishtinë: Ishte ulur mbi një veturë të ndalur që më pas lëvizi, lëndohet rëndë në kokë

Një person (mashkull), ka pësuar lëndim të rëndë trupor. Ngjarja ka ndodhur të premten rreth orës 14:00, në rrugën "Aziz Tolaj" në Prishtinë. Lidhur me rastin është deklaruar edhe policia, transmeton Klankosova.tv. Sipas raportit 24 orësh, i njëjti dyshohet se derisa ishte i ulur mbi një veturë, vetura është lëvizur nga i dyshuari mashkull kosovar dhe viktima ka rrëshqitur dhe është rrëzuar duke pësuar lëndime të rënda trupore në kokë. "Viktima është dërguar për trajtim mjekësor në QKUK, ndërsa i dyshuari është arrestuar edhe pas intervistimit me vendim të prokurorit është dërguar në mbajtje", thuhet në raportin 24 orësh transmeton Klankosova.tv.