Prishtina nuk ndalet me formën e mirë.
Pas fitores së sotme kundër Besës me rezultat 0:3, Prishtina i ikën Dritës për tre pikë në tabelë pasi ajo barazoi me Gjilanin.
Gjilani dhe Drita përfundoi me barazim 1:1, njofton Klan Kosova.
Dueli i qytetit nisi me golin e Fiton Hajdarit në minutën e ’20 që e ndihmoi Gjilanin ta përfundojë pjesën e parë në avantazh.
Mirëpo Drita me anë të Esosa Irogue në minutën e ’59 e barazoi rezultatin dhe mbajti gjallë shpresën për fitoren e mundshme të Dritës.
Megjithatë ndeshja përfundoi me barazim pasi që asnjë skuadër nuk ishte më në gjendja të shënojë.
Nga ana tjetër, Prishtina e pati të lehtë udhëtimin në Pejë, pasi që i mundi vendasit me rezultat 3 me 0.
Golat për Prishtinën i dhanë, Besnik Krasniqi nga penalltia në minutën e ’19, ndërsa dy golat e tjerë i dha Otto John në minutën e ‘66 dhe ’76.
Ndeshja tjetër që vlejti për xhiron e 33-të, ishte ajo në mes të Feronikelit dhe Trepçës ’89, e cila përfundoi me rezultat 3:0 në favor të Feronikelit.
Të gjithat golat u shënuan në pjesën e dyta, mirëpo Lapidar Lladrovci ishte ai që theu heshtjen në minutën e ’64 dhe 24 minuta më vonë ishte Simonovski i cili nga pika e bardh ishte i saktë për 2 me 0.
Dhe ishte Albert Dabiqaj i cili e mbylli ndeshjen me golin e ti në minutat shtesë të lojës së rregullt.
Ndeshjet vlejtën për xhiron e 33-të të Supërligës së Kosovës në Futboll, ku pas ndeshjeve të sotme Prishtina renditet e para, duke u ndjekur nga Drita dhe Ballkani.
Kjo është renditja tabelore pas ndeshjeve të para të Superligës në futboll:
●●●
NSHKRIMI NGA
N.Z
Editorial nga Klan Kosova — ndjek sport dhe zhvillimet e tjera kryesore të vendit.
