PRISHTINA FITON TROFEUN E SUPERKUPËS SË KOSOVËS

Ka përfunduar edhe pjesa e dytë e takimit të Superkupës së Kosovës në futboll. Ky ballafaqim ndërmjet Drita dhe FC Prishtina përfundoi me rezultat 1:3 në favor të skuadrës së fundit, njofton Klan Kosova. Ishte futbollisti Qendrim Zyba ai që arriti ta realizojë golin e parë për kryeqytetasit në minutë e 3-të të pjesës së parë, njofton Klan Kosova. Ndërsa pas vetëm katër minutash lojë, Kastriot Rexha arriti ta barazojë rezultatin. Mirëpo futbollisti Besnik Krasniqi arriti që ta rikthejë epërsinë për Prishtinën duke shënuar një gol nga mundësia e penaltisë. Pastaj Alban Shillova shënoi në minutat shtesë së pjesës së dytë, kështu duke thelluar epërsinë në 3:1. Kjo ndeshje që u zhvillua në stadiumin Mardan të Antalias, është transmetuar ekskluzivisht në Artmotion dhe Klan Kosova.

klankosova.tv