Princi Harry do të merrë pjesë në varrimin e Princit Philip, Dukesha Meghan jo

Princi Harry do të udhëtojë nga Kalifornia për në Windsor për varrimin e gjyshit të tij, Princit Philip, më 17 prill. Burime për Bazar kanë bërë të ditur se Duka i Sussex së shpejti do të udhëtojë për në Mbretërinë e Bashkuar dhe se do t'i respektojë të gjitha rregullat për udhëtimet që thuhen nga Qeveria britanike. Dukesha Meghan, e cila është shtatzënë me fëmijën e dytë të çiftit, nuk do ta shoqërojë princin për në varrim, kjo pasi mjeku i saj nuk ia preferoi këtë. Varrimi do të bëhet në Kalanë Windsor dhe do të mbahet sipas rregullave të Qeverisë së Britanisë së Madhe për ta parandaluar përhapjen e COVID-19.