Princi Harry dhe Meghan Markle janë këshilluar të forcojnë sigurinë në rezidencën e tyre në Los Angeles, pasi katër arinj u panë duke u zvarritur në zonë.
Duka dhe Dukesha e Sussex njoftuan paraqitjen e arushave të zeza pranë shtëpisë së tyre në Montecito, Kaliforni, përderisa Meghan është në prag të lindjes së fëmijës së dytë, transmeton klankosova.tv.
Një ari u përpoq të sulmonte pellgun e pulave të një fqinji muajin e kaluar, ndërsa dy tjerë u panë duke bredhur në kodrat e Santa Barbara. Një nënë arushë më vonë u pa me dy këlyshë.
Një grup i banorëve të lagjes, ku banojnë Harry dhe Meghan, i dërguan mesazh këtyre të fundit me paralajmërim për rreziqet e mundshme, raporton The Mirror.
Grupi u bëri thirrje vendasve të largojnë çdo mbetje ushqimore në mënyrë që të mos tërhiqen kafshët dhe gjithashtu të blinin kosha rezistentë ndaj ariut.
Banorët gjithashtu u këshilluan të mbanin pulat e tyre, ku edhe Meghan dhe Harry kanë disa të tilla, në një zonë të sigurt.
Qifti dhe djali i vogël Archie, u zhvendosën në shtëpinë e tyre me nëntë dhoma gjumi dhe 16 banjo në komunitetin e pasur të Montecito në fillim të korrikut të vitit të kaluar.
Vajza e tyre pritet të lindë më 10 qershor, në atë që do të kishte qenë ditëlindja e 100-të e Princit Philip, sipas burimeve në SHBA, transmeton klankosova.tv.
●●●
KKSHKRIMI NGA
Klan Kosova
Editorial nga Klan Kosova — ndjek prive dhe zhvillimet e tjera kryesore të vendit.
