Pretendenti për përfaqësimin e shqiptarëve në Luginë: Gjendja e tyre si e një pacienti në shok dhomë (VIDEO)

Shqiptarët në Luginë të Preshevës do t’i drejtohen kutive të votimit më 23 nëntor. Ata pranë vetës i kanë pesë kandidat për Kryetar të Këshillit Nacional Shqiptar. E njëri nga ta, Nevzad Lutfiu në Sytë 7 në Klan Kosova tha se gjendja e shqiptarëve atje po vazhdon të rëndohet nga shteti i Serbisë. Sipas tij, “gjendja e shqiptarëve të Luginës së Preshevës i ngjan një pacientit, i cili është në shok dhomë. Pra në një gjendje jashtëzakonisht të vështirë shëndetësore. E keqja më e madhe nuk është se është vetëm në shok dhomë, por edhe stafi mjekësor e ka braktisur”. Për këtë situatë, ai shtoi se “ndonëse jetojnë në Evropë, qytetarët shqiptar në Serbi, janë komuniteti më i diskriminuar në rajon”, njofton Klankosova.tv. Lutfiu, si kandidati më i ri në garë, ka qenë aktivist vullnetar i organizatave rinore atje. Si i tillë, ka marr një mori nismash për ta ndihmuar komunitetin duke organizuar pastrim të ambientit, rregullim infrastrukturorë, themelim të muzeve, e po ashtu edhe formimin e një katalogu për bujqit, i cili përmban emrat dhe mbiemrat e bujqve, dhe llojet e produkteve që ata kultivojnë. Për këtë, Luftiu tha se katalogun “e kemi shpërndarë nëpër qendra, kemi bo marrëveshje me marketet më të mëdha që bujqit të kanë mundësi t’i shesin në këto markete”, dhe si i tillë ka treguar sukses. Ndërkaq për investimet kapitale, thotë se “është i pamjaftueshëm intervenimi vetëm i komunave. Është i domosdoshëm aktiviteti vullnetar i shoqërisë, për me ndërhy me ndihmu në përmirësimin e jetës së shqiptarëve”. Kandidati për Kryetar të KNSh-së, tha se “suksesi i Këshillit kombëtar shqiptar, varet shumë nga Kosova e Shqipëria, varet se sa ato e mbështesin këtë institucion”. Ai këmbëngul që Kosova dhe Shqipëria duhet të bëjnë një strategji kombëtare, përmes të cilës do trajtohet edhe interesi i shqiptarëve të luginës. Kurse për ndihmat e kohë pas kobshme të Qeverisë së Kosovës dhe asaj të Shqipërisë, Luftiu në Sytë 7, tha se “Lugina nuk ka nevojë vetëm për mbështetje financiare, ka më shumë se dy vite asnjë aktivitet kulturor nuk e kemi pas në Luginë të Preshevës nga Ministria e Kulturës së Kosovës e Shqipërisë, Kultura është identiteti jonë”. https://www.youtube.com/watch?v=ZukKw5WSVZ8