“Prestanome” ekspozita e portreteve të kohës së pakohë hapet sonte në Tiranë

Në Galerinë FAB në Tiranë, sonte prej orës 18:00 do të bëhet hapja solemne e ekspozitës “Prestanome” nga mjeshtri Helidon Doni Haliti. “Prestanome” është një ekspozitë e portreteve të “kohës së pakohë”, si dëshmi e një rrugëtimi të jashtëzakonshëm artistik, një takim mes ngjyrës, mendimit dhe kujtesës, të personaliteteve që kanë shenjuar artin, kulturën dhe jetën publike shqiptare. Helidon Haliti këtë ekspozitë e sjell me portrete të shumta nga breza të ndryshëm të mysafirëve që i kishte ftuar në emisionin e tij në RTSH. Kjo ekspozitë është një falënderim për të gjithë ata që kanë dhënë dritë në këtë rrugëtim, por mbi të gjitha, është një testament i një vëmendjeje të pareshtur ndaj botës përreth. Ekspozita do të qëndrojë e hapur deri më 25 mars 2025.