Bali ka prezantuar një sërë udhëzimesh të reja për turistët në një përpjekje për të shtypur sjelljen e papërshtatshme.Autoritetet thonë se masat e rrepta synojnë të mbrojnë integritetin kulturor dhe vendet e shenjta të ishullit indonezian, transmeton Klankosova.tv Rregullat mbulojnë veshjen dhe sjelljen kur vizitoni tempuj dhe komplekse fetare, duke përfshirë ndalimin e hyrjes së grave me menstruacione.Kryetari i bashkisë ka paralajmëruar se disa shkelje mund të përballen me pasoja ligjore sipas ligjit indonezian.Rregulloret e reja u lëshuan nga guvernatori i Balit, I Wayan Koster, më 24 mars."Ne kemi nxjerrë një rregullore të ngjashme më parë, por ndërsa gjërat ndryshojnë, ne duhet të përshtatemi. Kjo siguron që turizmi i Balit të mbetet i respektueshëm, i qëndrueshëm dhe në harmoni me vlerat tona lokale," tha Koster, transmeton Klankosova.tv Rregullat e reja kërkojnë që turistët të veshin veshje modeste dhe të respektueshme dhe të "sillen me respekt qoftë në vendet fetare, restorante, zona tregtare apo rrugë publike".Vizitorëve u ndalohet të shajnë, të shkaktojnë trazira ose të jenë të pasjellshëm ndaj vendasve, zyrtarëve ose turistëve të tjerë. Kryebashkiaku tha gjithashtu se “ndarja e gjuhës së urrejtjes apo dezinformimit në mediat sociale është gjithashtu e ndaluar”.Veprimtari të tjera të jashtëligjshme përfshijnë hyrjen në zonat e tempullit të shenjtë pa leje, hedhjen e mbeturinave dhe punën pa leje. / Klankosova.tv
●●●
VZ
SHKRIMI NGA
Vanesa Zhugolli
Editorial nga Klan Kosova — ndjek lifestyle dhe zhvillimet e tjera kryesore të vendit.
