Presidentja e Gjeorgjisë vë veton ndaj "ligjit rus"

Presidentja e Gjeorgjisë, Salome Zourabichvili,  vuri veton të shtunën ndaj të ashtuquajturit "ligji rus" që synon median, e që ka shkaktuar protesta masive për javë të tëra.

Ligji do t'i kërkonte mediave dhe OJQ-ve të regjistrohen si "të ndjekin interesat e një fuqie të huaj" nëse marrin më shumë se 20 për qind të financimit të tyre nga jashtë, raporton AP, transmeton Klankosova.tv.

Kritikët e projektligjit thonë se ai i ngjan shumë legjislacionit të përdorur nga Kremlini për të mbyllur gojën kundërshtarët dhe se ai do të pengojë ofertën e Gjeorgjisë për t'u bashkuar me Bashkimin Evropian.