Deputeti i PDK-së Arben Mustafa, ka pasur kritika të ashpra në drejtim të kryeministrit të Kosovës Albin Kurti, në veçanti rreth procesit të zgjedhjes së presidentit të ri.
Mustafa në emisionin "DPT te Fidani" deklaroi se Kurti nuk ka qenë i interesuar të bëjë zgjidhje.
Sipas tij, shefi i Qeverisë i ka trajtuar pozitat shtetërore si monedha kusuritëse.
"Ta jep këtë, ma jep atë. Ta jep kryetarin e Kuvendit ma jep nënkryetarin e Kuvendit, ma voton presidentin, do të thotë e ka sqaruar gjithë këtë proces për zgjedhjen e Presidentit në një lojë politike dhe në një pazar politik", deklaroi Mustafa në Klan Kosova.
"Sikur Vetëvendosja t'i kishte pasur votat për president, nuk kishte pasur nevojë për votat tona. Por, fakti që nuk i ka votat do të thotë që duhet një marrëveshje. Qytetarët kur kanë votuar, kanë votuar për Qeverinë, s'kanë votuar për President. Ja kanë dhënë 51% të votave, e ka marrë krejt Qeverinë... nuk e ka kontestuar askush", u shpreh ai.
Ligjvënësi nga radhët e Partisë Demokratike, u shpreh se Albin Kurti pasi nuk i ka votat duhet të ulet e të bëjë marrëveshje.
https://www.youtube.com/watch?v=IugL5rzECWE
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.
