Presidenti iranian thotë se sulmi ndaj konsullatës së tij në Siri "nuk do të mbetet pa përgjigje"

Presidenti iranian Ebrahim Raisi fajësoi të martën Izraelin për një sulm ndaj konsullatës së Teheranit në kryeqytetin sirian Damask.

Ai theksoi se kjo "nuk do të mbetet pa përgjigje", njoftoi agjencia shtetërore e lajmeve IRNA.

“Sionistët duhet ta dinë se kurrë nuk do t'i arrijnë qëllimet e tyre të këqija me veprime të tilla çnjerëzore dhe dita-ditës kanë qenë dëshmitarë të forcimit të frontit të rezistencës dhe neverisë dhe urrejtjes së kombeve të lira kundër natyrës së tyre jolegjitime. Ky krim frikacak nuk do të mbetet pa përgjigje”, tha Raisi, sipas IRNA.

Këshilli i Lartë i Sigurisë Kombëtare i Iranit njoftoi pas një takimi me Raisi të hënën se "vendimet e duhura" ishin marrë në përgjigje të sulmit, raportoi IRNA.

Sulmi vrau të paktën shtatë zyrtarë, përfshirë Mohammed Reza Zahedi, një komandant i lartë në Gardën Revolucionare të Iranit (IRGC) dhe komandantin e lartë Mohammad Hadi Haji Rahimi.

Ushtria izraelite tha se nuk komenton raportet e huaja, por zëdhënësi i saj tha për CNN se konsullata ishte një "ndërtesë ushtarake e forcave të Kudsit e maskuar si një ndërtesë civile", transmeton Klankosova.tv.