Presidenca siriane do të dërgojë forca të reja për të ndaluar përleshjet në jug

Presidenca siriane thotë se do të vendosë një forcë të re për të ndaluar përplasjet vdekjeprurëse sektare midis luftëtarëve beduinë dhe druzë në jug të vendit. Zyra e Presidentit të përkohshëm sirian Ahmed al-Sharaa u bëri thirrje "të gjitha palëve të ushtrojnë përmbajtje", mes raportimeve për luftime të ripërtërira pranë qytetit të Suweidës të premten. Raportohet se pothuajse 600 persona janë vrarë që nga shpërthimi i dhunës të dielën. Trupat qeveritare të vendosura në zonë u akuzuan nga banorët për vrasjen e civilëve druzë dhe kryerjen e ekzekutimeve jashtëgjyqësore, raporton BBC, transmeton Klankosova.tv. Izraeli më vonë goditi objektiva në Siri për të detyruar trupat të tërhiqeshin nga provinca e Suweidës. Të premten, ambasadori i SHBA-së në Turqi tha se Izraeli dhe Siria kishin rënë dakord për një armëpushim.