Lajmet e fundit
Prej tri ditësh, Mali i Çikës në Shqipëri është përfshirë nga zjarri.
Banorët raportojnë se flakët janë duke përparuar drejt fshatit Dhërmi. Për të frenuar përhapjen e zjarrit në anën lindore, disa forca të zjarrfikëseve si dhe të Administrimit të Zonave të Mbrojtura janë përqendruar aty ku ndahet mali i Çikës me Llogaranë.
Sipas prefektit Flamur Mamaj, nuk ka rrezik për banorët, pasi vatra e zjarrit është shumë larg.
Ndërhyrja është e pamundur për shkak të terrenit të thepisur. Deri tani raportohen vetëm djegie të barit dhe shkurreve. Ndërkohë era e rëndë e tymit, është kthyer në një shqetësim për pushuesit në plazhin e Dhërmiut.
Presidenti Meta bëri thirrje që shteti të ndërpresë pagesat fiktive për inceneratorët dhe të shtojë fondin për mbrojtjen nga zjarret./euronewsalbania/
